პარტია “ლელო საქართველოსთვის” ზუგდიდის რეგიონული ოფისის ხელმძღვანელმა ალექსანდრე ახვლედიანმა ბრიფინგი გამართა, თემით „შეიარაღებული ოკუპანტების მიერ საზღვრის უკანონოდ გადმოკვეთა“, სადაც გამოეხმაურა ხურჩას მიმდებარედ, საქართველოს ცენტრალური ხელისუფლების კონტროლირებად ტერიტორიაზე, რუსეთის საოკუპაციო ძალების წარმომადგენლების მიერ საქართველოს 3 მოქალაქის უკანონოდ დაკავებას. ახვლედიანის განაცხადებით,მათ მიერ იქნა მოპოვებული ეს ინფორმაცია და ისინი შეეცადნენ, რომ ხელისუფლებას არ დაემალა ეს ფაქტი, რის შემდეგადაც ხელისუფლება იძულებული გახდა გაეხმაურებინა ეს ინფორმაცია.
ახვლედიანისვე განცხადებით, კონსტიტუციით მონიჭებულ უფლებას ვერ ახორციელებს საქართველოს ხელისუფლება, ამიტომ მან უნდა დატოვოს ძალაუფლება და ის უნდა წავიდეს. აქედან გამომდინარე დღის წესრიგში როგორც არასდროს ისე აქტუალურად იდგება ვადამდელი საპარლამენტო არჩევნები.