წუხელ, გვიან ღამით გლდანის ციხესთან სამოქალაქო აქტივისტები შეიკრიბნენ და ივერი მელაშვილს, ნატალია ილიჩოვასა და გიორგი რურუას ახალი წელი მიულოცეს. მათ ციხის შენობასთან ფრანები გაუშვეს.
გიორგი რურუას მეუღლის, სოფო სიხარულიძის თქმით, მისი სურვილია ისინი იყვნენ პოლიტიკური ნიშნით დაპატიმრებული ბოლო ადამიანები ქვეყანაში
გლდანის ციხესთან იმყოფებოდა ევროპული საქართველოს ყოფილი წევრი, ელენე ხოშტარიაც, რომელმაც ადგილზე გოზინაყი და თავსი გოგონას დახატული პლაკატი მიიტანა.
“არ არსებობს წამი, როდესაც ჩვენ არა ვართ პოლიტპატიმრების გვერდზე და შეუძლებელია, რომ დღეს უბრალოდ შეირგო ახალი წელი, ან იფიქრო შემდეგ წელზე, ან რაღაცა აღნიშნო და არ იფიქრო ამ ადამიანებზე, რომლებიც სრულიად უსამართლოდ არიან გამომწყვდეულები. ძალიან დიდი იმედი მაქვს, რომ ჩვენ შემდეგ წელს მაინც ციხესთან და უსამართლობის გაპროტესტებით აღარ მოგვიწევს აღნიშვნას, რომელიც ყველასთვის სასიხარულო უნდა იყოს, მაგრამ, ვერ იქნება სიხარული სრული, თუ ადამიანები იჩაგრებიან ამ დროს”, — განაცხადა ელენე ხოშტარიამმედიასთან კომენტარში.