სოციალურად დაუცველი ასობით ოჯახი საახალწლოდ დახმარების მოლოდინშია, ამ კატეგორიის ადამიანების რიცხვი დღითიდღე იზრდება. ემიგრანტების შემოწირულობით შეძენილი პროდუქტი და საყოფაცხოვრებო ტექნიკა ორგანიზაცია „გოთანამ“ რამდენიმე სოციალურად უკიდურესად ღარიბ ოჯახებს გადასცა. შორენა ბოკუჩავა მრავალშვილიანი მარტოხელა დედაა, მან დღეს სურსათთან ერთად გაზქურაც მიიღო. აფხაზეთიდან დევნილი სოფო გვაგვალია ორ მცირეწლოვან შვილს ამ პირობებში ზრდის, ამბობს რომ მისთვის ეს დახმარება დროული და აუცილებელი იყო.
ორგანიზაცია „გოთანა“ პოლიტიკოსებს ხალხის მიმართ მეტი ყურადღების გამოჩენასა და მათი დახმარებისკენ მოუწოდებს
„გოთანა“ ახლადშექმნილი სამოქალაქო მოძრაობაა, რომელიც მომავალში სხვადასხვა ტიპის საქველმოქმედო აქციებს გეგმავს.