ზურაბ ჯაფარიძემ ახალი გირჩი ოფიციალურად დააფუძნა. დღეს 26 დეკემბერს ყრილობა გაიმართა, სადაც ახალი გირჩი შეიქმნა. პარტია დარეგისტრირდა სახელით მეტი თავისუფლება — გირჩი. ზურაბ ჯაფარიძე პარტიის თავმჯდომარედ აირჩიეს.
ჯაფარიძის განცხადებით, ახალი გირჩის მთავარი განსხვავება მის ღიაობასა და გახსნილობაში იქნება. მისი თქმით, ეს პლატფორმა ახალგაზრდებს საშუალებას მისცემს საკუთარი იდეები წინ წამოსწიონ.
” მე მინდა ახალი გირჩი იყოს მართლა გახსნილი, ღია პლატფორმა ამ ახალგაზრდებისთვის. ჩემი თავი, როგორც ცნობადობის მქონე ადამიანის, როგორც გირჩის ბრენდი, როგორც გირჩის ტელევიზია, ამ ადამიანებმა გამოიყენონ საკუთარი იდეების წინ წამოსაწევად და მათ შორის, სცადონ საკუთარი თავი ქართულ პოლიტიკაში”, — განაცხადა მან.
.