პარლამენტის შენობის შესასვლელთან, ჩიტაძის ქუჩის მხრიდან სამოქალაქო აქტივისტები აქციას მართავენ. ისინი აცხადებენ, რომ დღევანდელი პარლამენტი არალეგიტიმურია. დეპუტატებს საკანონმდებლო ორგანოში შესვლა სამოქალაქო აქტივისტების შეძახილების, “მონა”, „მონა” ფონზე უწევთ.
მოძრაობა „საქართველოსთვის” წევრმა ლაშა ხუსკივაძემ მედიასთაბ საუბარში ამბობს, რომ , აქციები პერმანენტულად გაგრძელდება.
„სხვადასხვა ქალაქში ახალ წლამდე გაჩნდება საპროტესტო კერები და აქციები გაიმართება იქამდე, ვიდრე არ დაკმაყოფილდება ჩვენი მოთხოვნები. ვითხოვთ, დაინიშნოს ხელახალი არჩევნები და გათავისუფლდნენ პოლიტიკური პატიმრები, რომლებიც სასჯელს უსამართლოდ იხდიან. დღეს ამ შენობაში „ცეკა”-ს სხდომა იმართება, სწორედ ამას ვაპროტესტებთ“, – განაცხადა ხუსკივაძემ.
აქტივისტებმა პარლამენტთან აქცია-პერფომანსიც გამართეს, საჰაერო ბუშტზე მიმაგრებული ოქმის ფურცელი ჰაერში გაუშვეს, წარწერით “გაყალებბულია”.
“ახლა ვდგამთ მეორე კარავს, აუცილებლად, ახალი წლის შემდგომ სამი კარავი წინა მხარეს (პარლამენტის) დაიდგმება. საქართველოს მასშტაბით აუცილებლად მიიღებენ დიდ პროტესტს და ეს არალეგიტიმური მთავრობა, რომელცი დასვა ივანიშვილმა და ჟვანიამ უბრალოდ ხელი მოუწერა, ვერ გაძლებენ დიდ ხანს”, – ამბობს აქტივისტი, ნიკა ნარსია
სესია საკანონმდებლო ორგანოში 12 საათზე დაიწყო. იგი პრემიერმინისტრობის კანდიდატის, გიორგი გახარიას და მინისტრთა კაბინეტის ახალი შემადგენლობის წევრებს ამტკიცებს