ევროკავშირის სადამკვირვებლო მისიას მანდატი ორი წლით გაუხანგრძლივდა

0
152

ევროკავშირის სადამკვირვებლო მისიას (EUMM Georgia) მანდატი ორი წლით გაუხანგრძლივდა. როგორც EUMM-ის ხელმძღვანელი, მარეკ შჩიგელი ტვიტერზე წერს, საბჭომ ევროკავშირის სადამკვირვებლო მისიის მანდატი 2022 წლის 14 დეკემბრამდე გააგრძელა.

ამასთან, მიმდინარე წლის 15 დეკემბრიდან 22 წლის დეკემბრამდე პერიოდის განმავლობაში 44. 8 მილიონი ევროს მოცულობის ბიუჯეტია გამოყოფილი.

ევროკავშირის სადამკვირვებლო მისია საქართველო სამოქალაქო მისიაა, რომელიც 2008 წლის სექტემბერში ევროკავშირის შუამავლობით მიღწეული ექვსპუნქტიანი შეთანხმების საფუძველზე, რუსეთსა და საქართველოს შორის 2008 წლის ომის შემდგომ განთავსდა.

მის მიზანს კონფლიქტის მხარეებს შორის სტაბილიზაციის მიღწევა, ურთიერთობის ნორმალიზება და ნდობის აღდგენა წარმოადგენს.

2020 წლის მარტიდან მისიის ხელმძღვანელია ელჩი მარეკ შჩიგელია. სადამკვირვებლო მისიას თბილისის გარდა საველე ოფისები გორში, მცხეთასა და ზუგდიდში გააჩნია.

კომენტარის დატოვება

Please enter your comment!
Please enter your name here