გუშინ, 18 დეკემბერს, მელიამ განაცხადა, რომ ხელახალი არჩევნები არის უცვლელი მოთხოვნა და ეს არ გადაიხედება და პროტესტი გადაიზრდება უკმაყოფილებაში, “ტრანსფორმირდება შეიძლება, მათ შორის, მშვიდობიან რევოლუციაში”.
მის ამ სიტყვებს რევოლუციის შესახებ, კრიტიკა მოყვა, რამაც ნიკა მელია აიძულა განემარტა რას გულისხმობს რევოლუციაში.
“მშვიდობიანი რევოლუცია ნიშნავს იმას, რომ სამოქალაქო პროტესტის შედეგად ხელისუფლება იძულებულია გადადგეს და ინიშნება ვადამდელი არჩევნები — ეს არის დემოკრატიის ერთ-ერთი შემადგენელი ნაწილი და ფუნდამენტიც კი”.
ნიკა მელიას გარდა, ევროპული საქართველოს ლიდერმა გიგა ბოკერიამაც განაცხადა, ,რომ ხელისუფლებამ რევოლუციური გზით მოქმედების არჩევანი დაუტოვათ, რაც არ სურთ. მისი თქმით, შექმნილი პოლიტიკური კრიზისიდან ერთადერთი სწორი გზა — ვადამდელი, ნორმალური არჩევნებია
იუსტიციის ყოფილი მინისტრი და პარლამენტის წევრი, თეა წულუკიანი კიამბობს, რომ ვერავითარი რევოლუცია ამ ქვეყანაში ვერ იქნება. წულუკიანის თქმით, პოლიტიკურ ძალებს არეულობისა და დესტაბილიზაციის საშუალებას არავინ მისცემს.