ფოტოგრაფია ის საქმიანობაა, რომელზეც კორონავისრუსმა განსაკუთრებული კვალი დატოვა. სხვა ბიზნესებთან ერთად, შემცირდა მოთხოვნა ფოტოგრაფებზეც. ფაქტიურად ამ პროფესიის ადამიანები შემოსავლის გარეშე დარჩნენ, ან კიდევ შეზღუდვებიდან გამომდინარე ფოტოგრაფები ნაკლებად დატვირთულ რეჟიმში მუშაობენ, იმის გათვალისწინებით, რომ დაუშვებელია რესტორნებში სუფრებისა და ქორწილების გადახდა, შემცირდა მოთხოვნა ამ საქმიანობაზეც. ფოტოგრაფიაში ჩართულმა ადამიანებმა კი გადაწყვიტეს, რომ სტუდია სახლში მოეწყოთ და ყველა პირობის დაცვით, აგრძელებენ მუშაობას სახლიდან, რათა თავი ირჩინონ.
ადამიანები ამ რთულ პერიოდში მიდიან სახლში მოწყობილ, საახალწლო განწყობით სავსე სტუდიაში, რათა თავიანთ რუტინულ ყოველდღიურობას ერთი დღით მაინც გაემიჯნონ – ამბობს ნინო. 2021 წელი კი იმედია, ის წელი იქნება, როდესაც ფოტოგრაფები ისევ შეძლებენ ლამაზი პეიზაჟების ფონზე ფოტოების თავისუფლად, შეზღუდვების გარეშე გადაღებას.