ფოთში, სამაუწყებლო კომპანია მე-9 ტალღამ საინფორმაციო მაუწყებლობა შეწყვიტა. როგორც მე-9 ტალღის დირექტორმა გერმანე სალიამ “ოდიშინიუსს” უთხრა, მიზეზი თანამშრომელთა ნაწილის დაინფიცირება გახდა.
მისივე ინფორმაციით, ინფიცირებულთა ჯანმრთელობის მდგომარეობა დამაკმაყოფილებელია და ისინი სახლის პირობებში განაგრძობენ მკურნალობას.რაც შეეხება საინფორმაციოს, მხოლოდ დაიჯესტურ ნაწილზე იმუშავებენ.