მიუხედავად იმისა, რომ ქვეყანაში შეზღუდვები მოქმედებს და ხელისუფლება მოუწოდებს მოსახლეობას თავი შეიკავონ შეკრებებისაგან და დაიცვან ჯანდაცვის რეკომენდაციები, საშობაო ლიტურგია საქართველოში მაინც ჩატარდება. ზუგდიდისა და ცაიშის მიტროპოლიტის მეუფე გერასიმეს განცხადებით, ზიარების წესი არ შეიცვლება და საშობაო ლიტურგია ჩვეულებრივად ჩატარდება, პირბადეებითა და დისტანციის დაცვით.
შეგახსენებთ, რომ უწყებათაშორისი საკოორდინაციო საბჭოს გადაწყვეტილებით, 28 ნოემბრიდან 31 იანვრის ჩათვლით, ქვეყნის მასშტაბით 21:00 საათიდან 05:00 საათამდე პირთა გადაადგილება როგორც ქვეითად, ისე სატრანსპორტო საშუალებით, ასევე საჯარო სივრცეში ყოფნა შეიზღუდა.