ხობის რაიონის სოფელ ყულევში ისევ ხანძარია. ცეცხლი ეკალბარდს და ბალახებს უკიდია. ნავთობტერმინალს საფრთხე არ ემუქრება. ამის შესახებ ინფორმაციას საგანგებო სიტუაციების მართვის სამსახური ავრცელებს.
უწყების თქმით, ადგილზე მობილიზებულია 5 სახანძრო-სამაშველო ეკიპაჟი. მიმდინარეობს ცეცხლის ქრობის სამუშაოები
ეს უკვე მეორე ხანძარია, რომელიც ყულევში გაჩნდა წინა შემთხვევა 9 დეკემბერს მოხდა. ხანძრის ქრობის პროცესი მთელი ღამის განმავლობაში მიმდინარეობდა. უწყვეტი სამუშაოების შედეგად მოხერხდა ხანძრის დროული ლოკალიზება და შემდგომში სრული ლიკვიდირება”