აქცია პარლამენტთან ცარიელი თეფშებითა და ჯამებით: ,,დიქტატურის მთავარი დასაყრდენი სიღარიბეა.” – ამბობენ აქტივისტები

0
281

ერთპარტიულ პარლამენტს მუშაობა დღესაც ხმაურის ფონზე უწევს. თეფშებითა და ჯამებით, ხალხის შიმშილობის გასაპროტესტებლად, ახალგაზრდები პარლამენტთან აქცია–პერფორმანსს მართავენ.

“ეს არის გზავნილი მთელი ქვეყნისთვის, რომ რეალურად ამ ხელისუფლებამ ჩვენი ეკონომიკა ჩამოანგრია, გააღარიბა ხალხი, მონოპოლიებით მივიღეთ ის, რომ აბსოლუტური უმრავლესობა მოსახლეობის შიმშილობისთვის არის განწირული. დიქტატურის მთავარი დასაყრდენი სიღარიბეა.” – ამბობენ აქციის მონაწილეები

აქტივისტებმა პარლამენტთან თამარ ჟვანიას გამოსახულებით სტიკერებიც გააკრეს – წარწერით გაყალბებულია. მათი თქმით, ხელისუფლებამ ხალხის გაღარიბებით ისარგებლა, როცა არჩევნებზე ამომრჩევლის მოსყიდვას მიმართა და მოწყვლად ჯგუფებს, მინიმალური თანხის სანაცვლოდ, მათთვის ხმის მიცემა მოთხოვა.

“პარლამენტში შეიკრიბნენ ტიპები, რომელთაც სურთ ღარიბი მოსახლეობის ჯიბიდან ფულის ამოღება, რასაც ჩვენ არ დავუშვებთ.” – ამბობს სამოქალაქო აქტივისტი ნიკა ნარსია.

აქციის მონაწილეების თქმით, უწყვეტ პროტესტსს გააგრძელებენ და აქციები ქვეყნის მასშტაბით გაიმართება.

პარლამენტის ტერეტორიაზე სამართალდამცავები მუდმივად იმყოფებიან.

გაყალბებული არჩევნებისა და ერთპარტიული პარლამენტის გასაპროტესტებლად, ახალი არჩევნების დანიშვნის მოთხოვნით, აქციები თელავსა და ბათუმშიც იმართება

წინა სტატია,,კობახიძე ცრუობს. ეს არის ჩვენი ორგანიზაციის, მთლიანად სამოქალაქო სექტორის მიზანმიმართული დისკრედიტაციის მცდელობა” – ეკა გიგაური
შემდეგი სტატიაავსტრალიაში ტროპიკული შტორმი მძვინვარებს
ტელეკომპანია ოდიშის საინფორმაციო სამსახური