ბათუმში მთავრობის სახლთან აქციაზე რამდენიმე ადამიანი დააკვეს. აჭარის პოლიციის დეპარტამენტის უფროსის, კოტე ანანიაშვილის თქმით, ამ წუთებში მიდის დაზუსტება, თუ რამდენი ადამიანია დაკავებული.
აქციაზე დაპირისპირება მას შემდეგ დაიწყო, რაც აქციის მოანწილებმა თორნიკე რიჟვაძესთან შეხვედრა მოითხოვეს, პოლიციამ კი ამის უფლება არ მისცა.
“პოლიციას გარკვეული პირები ხელს უშლიდნენ მოვალების შესრულებაში, გარკვეული პირების რაოდენობა პოლიციას ხელს უშლიდა დაკავებული პირების გადაყვანას, პოლიციის მხრიდან არანაირ გადაცდომას ადგილი არ ჰქონია, მშვიდობიან პროცესს არავინ არ უშლით მათ”, — ამბობს ანანიაშვილი
ბათუმში მთავრობის სახლთან უკვე რამდენიმე კვირაა აქციები გრძელდება. მომიტინგეები 31 ოქტომბრის არჩევნების არ აღიარებენ და თორნიკე რიჟვაძესთან შეხვედრას ითხოვენ. გარდა ამისა, ისინი დაწესებულ შეზღუდვებს აპროტესტებენ.