რამდენიმე წუთის წინ, სამართლდამცველებმა “საქართველოს ბანკის” ფილიალზე თავდასხმისთვის ძებნილი ბადრი ესებუას ძმა, ბიძინა ესებუა დააკავეს. ინფორმავიას შინაგან საქმეთა სამინისტროი ადასტურებენ და მათივე ცნობით, ამ წუთებში ზუგდიდში, დაკავების ადგილზე საგამოძიებო მოქმედებები მიმდინარეობს.

შეგახსენებთ, რომ 21 ოქტომბერს ზუგდიდში, „საქართველოს ბანკის“ ფილიალში საბრძოლო მოქმედებაში მოყვანილი ხელყუმბარით შეიჭრა ბადრი ესებუა და 43 ადამიანი მძევლად აიყვანა. გამოძიება საქართველოს სისხლის სამართლის კოდექსის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლად ხელში ჩაგდებას ტერორისტული მიზნით და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

 შინაგან საქმეთა სამინისტროში აცხადებენ, რომ მომხდარის შესახებ ინფორმაციას მოგვიანებით გაავრცელებენ.