ერთიანი ნაციონალური მოძრაობის მე-10 მოწვევის პარლამენტის ახალარჩეული წევრი ზუგდიდიდან ანი წითლიძე საკანონმდებლო ორგანოს ბოიკოტს უცხადებს. მისი თქმით, ის უარს ამბობს დეპუტატის მანდატზე და პარლამენტარის უფლებამოსილების შესწყვეტასა და ხელახალ არჩევნებს ითხოვს.
“ჩემს თანაგუნდელებთან ერთად დღეს ოფიციალურად მოვაწერე ხელი ჩემს პირად განცხადებას პარლამენტის წევრობის უარზე და ყოველგვარი პათეტიკის გარეშე ამაზე ამაყი იშვიათად ვყოფილვარ. ეს ქვეყანა აუცილებლად იქნება თავისუფალი ევროპული ღირებულებების, ერთიანი და ძლიერი “- განაცხადა წითლიძემ.
“ერთიანი ნაციონალური მოძრაობა”; “ევროპული საქართველო”; “სტრატეგია აღმაშენებელი”; “ლელო საქართველოსთვოს”; “ლეიბორისტული პარტია”; “ერთიანი საქართველო” – ოპოზიციური პარტიებმა მოსწავლე ახალგაზრდობის ეზოში ხელი მოაწერეს მემორანდუმს, რომ უარს ამბობენ მანდატებზე და პარლამენტში უფლებამოსილების შეწყვეტასა და ხელახალ არჩევნებს მოითხოვენ.
დღეს თბილისში, ახალი მოწვევის პარლამენტის სხდომა, სადაც მხოლოდ “ქართული ოცნების” დეპუტატები არასრული შმადგენლობით შეიკრიბნენ, აქციის ფონზე მიმდინარეობს