ერდოღანი ბაქოში ორდღიანი ვიზიტით იმყოფება. ის დაესწრო მთიანი ყარაბაღის სამხედრო კამპანიის აზერბაიჯანის სასარგებლოდ დასრულების აღსანიშნავად ბაქოში გამართულ სამხედრო აღლუმს.
ბაქოში ვიზიტის დროს თურქეთის პრეზიდენტმა აზერბაიჯანის პრეზიდენტ ილჰამ ალიევთან 6 ქვეყნის, მათ შორის საქართველოს და რუსეთისგან შემდგარი რეგიონული პლატფორმის შექმნა განიხილა. ამის შესახებ ინფორმაციას სააგენტო Reuters ავრცელებს
მან თქვა, რომ თურქეთთან, რუსეთთან, საქართველოსთან, ირანთან და აზერბაიჯანთან ერთად, სომხეთსაც შეუძლია მონაწილეობა მიიღოს დაგეგმილ რეგიონალურ პლატფორმაში, თუ ეს ხელს შეუწყობს რეგიონალურ მშვიდობას.
ერდოღანმა ისიც თქვა, რომ თუ ერევანი რეგიონალური მშვიდობისთვის პოზიტიურ ნაბიჯებს გადადგამს თურქეთმა, შესაძლოა, სომხეთს საზღვარი გაუხსნას