საქართველოს გარემოს დაცვისა და სოფლის მეურნების მინისტრი, ლევან დავითაშვილი ამბობს, რომ ბოლო დღეების განმავლობაში ხშირი იყო მსჯელობა პურის გაძვირებასთან დაკავშირებით, თუმცა მისი თქმით, პურზე ფასი არ მოიმატებს. დავითაშვილის განცხადებით, საქართველოს მთავრობამ მიიღო გადაწყვეტილება, პირველი ხარისხის ხორბლის ფქვილის სუბსიდირებაზე იმგვარად, რომ არსებული ფასები შენარჩუნდეს. მისივე თქმით, პროგრამა მომავალი კვირიდან ამოქმედდება და 4 თვის განმავლობაში, 31 მარტამდე იმოქმედებს.
“შემდგომში ჩვენ დაკავრდებით სიტუაციას, როგორი იქნება საერთაშორისო ბაზრებზე. ჩვენ განვსაზღვრეთ ფასი 53 ლარით. ეს არის ფიქსირებული ფასი, რომელიც არის პირობა წისქვილებისთვის, რომ ამ ფასზე მეტად არ გაყიდიან პირველი ხარისხის ფქვილს. ეს არის იმ კატეგორიის ფქვილი, რომელიც პურის ცხობაში გამოიყენება. ამ შემთხვევაში სახელმწიფოს მიერ სუბსიდია იქნება არა უმეტეს 10 ლარისა, რაც ნიშნავს იმას, რომ ჩვენს პროგრამაში ჩართული წისქვილები სხვადასხვა ფასს შემოგვთავაზებენ”, — განაცხადა დავითაშვილმა.
ის, ასევე, ამბობს, რომ იყო ძალიან ბევრი განცხადება, როგორც პურის მწარმოებელთა, ისე ხორბლის მწარმოებელთა ასოციაციიდან, რომ პურზე ფასის გასაძვირებლად ობიექტური გარემოებები არსებობს