საკოორდინაციო საბჭო 70 წელს გადაცილებული ადამიანების ქუჩაში გადაადგილების შეზღუდვის რეკომენდაციით გამოდის. განცხადება საბჭოს სხდომის შემდეგ პრემიერმინისტრმა გააკეთა:
ვეცადოთ 70 წელს ზემოთ ადამიანები დავტოვოთ სახლში. ეს არის მათი სიცოცხლისა და ჯანმრთელობაზე ზრუნვა – ამბობს გახარია.
მისივე თქმით, აუცილებელია კერძო და საჯარო სამსახურები მაქსიმალურად გადავიდნენ მუშაობის დისტანციურ რეჟიმზე. გახარიას ინფორმაციით, საჯარო მოხელეების 80% მუშაობას სახლიდან გააგრძელებს.