საქართველოში კორონავირუსის გავრცელებამ დაწყებითი კლასის მოსწავლეებს განსაკუთრებით გაურთულა სწავლების პროცესი, რაც მკვეთრად აისახება მშობლების დამოკიდებულებაზე იმ რეგულაციების მიმართ, რაც სახელმწიფომ რამდენიმეჯერ შეცვალა. მარი ბელქანიასთვის, როგორც მშობლისთვის ყველაზე დიდ ხარვეზს სასწავლო აპლიკაცია წარმოადგენს, ის იმდენად არ არის გამართული, რომ დაწყებითი კლასის მოსწავლემ დამოუკიდებლად შეძლოს მისი გამოყენება, გარდა ამისა, მასწავლებლებიც ვერ იყენებენ სწორად, რის გამოც მეტწილად გაკვეთილების ცხრილი ირევა და ცდება, რაც სწავლის ხარისხზე აისახება. მშობლის განცხადებით, ბავშვები ინტერნეტს მთელი დღის განმავლობაში დიდ დროს უთმობენ, არ აქვთ ფიზიკური აქტივობები და არ იციან სწორად როგორ გამოიყენონ დრო, ამისთვის კი სკოლისგან იგი მოითხოვს ფსიქოლოგის დანიშვნას ბავშვებისთვის, რათა სწორად გაიაზრონ ქვეყანაში არსებული ვითარებიდან გამომდინარე როგორ დაინახონ მოვლენები სწორად, როგორ მოიქცნენ გაკვეთილზე, როგორ დაკავდნენ დღის განმავლობაში პროდუქტიულად. მისი თქმით, ჰიბრიდული სწავლის მეთოდი დაეხმარებოდა ბავშვებს ურთიერთობების არსებობაში.
თინათინ გეთია მეექვსე კლასის მოსწავლეა, მისი თქმით, ონლაინ გაკვეთილებს მისი
კლასელები ვერ ესწრებიან, რადგან თიმსის პროგრამა ტექნიკურად გაუმართავია . გარდა ამისა, სკოლაში მასწავლებლები უფრო კარგად და გასაგებად ხსნიან, ვიდრე ონლაინ.
ონლაინსწავლების ხარვეზებზე საუბრობს დაწყებითი კლასების პედაგოგი ნანა თოდუა.
საქართველოში არსებული ეპიდვითარებიდან გამომდინარე სწავლა საჯარო სკოლებში დისტანციურად მიმდინარეობს და დღემდე უცნობია როდის განაახლებენ სკოლები სრულად საგაკვეთილო პროცესს.
