ოპოზიციასთან შეხვედრა პომპეოს დღის წესრიგში არ არის, თუმცა მმართველი გუნდის ოპონენტები და აქტივისტები სტუმარს სიმბოლური აქციით ხვდებიან. მდუმარე დემონსტრაციისთვის მზადება რუსთაველის გამზირზე უკვე დაწყებულია. აქციის მონაწილეების თქმით, ხელში ეჭირებათ ბანარები, რომელზეც გაკეთებული იქნება წარწერები არჩევნების გაყალბებასთან დაკავშირებით, ასევე იქნება გაყალბებული ოქმების ფოტოებიც:
“პომპეოს უნდა მივაწოდოთ გზავნილი , რომ გვყავს უზურპატორი ხელისუფლება, რომელმაც ხალხის ხმა მოიპარა,”- აცხადებს აქციის მონაწილე გიორგი რუხაია.