კორონავირუსის პანდემია, გაზრდილი ფასები, გაუფასურებული ლარი და ჩამოშლილი ეკონომიკა – მოქალაქეებს შიშით ცხოვრება უწევთ. ვერ ყიდულობენ საკვებ პროდუქტებს და მედიკამენტებს, ამბობენ, რომ უმუშევრობა და გაძვირებული ცხოვრება ყველაზე დიდი პრობლემაა ქვეყანაში და ზამთარი იმაზე რთული იქნება, ვიდრე წინა წელს.
ათეულობით პროცენტით გაძვირდა რძის ნაწარმი, ხილი, შაქარი, ხორცი. საგრძნობლად მომატებულია პირველადი მოხმარების საკვები და მედიკამენტები. საქსტატის მონაცემებით, წლიურმა ინფლაციამ 8 % პროცენტს მიაღწია. კვება და სამედიცინო მომსახურება კოვიდ-19 – თან ბრძოლაში განსაკუთრებით მნიშვნელოვანია, სურსათის გარდა, ფასები გაიზარდა სამედიცინო პროდუქციაზე, აპარატურასა და ამბულატორიულ მომსახურებაზეც კი. პანდემიის გამო გაჩერებული ეკონომიკის პირობებში გაზრდილი ფასები უმუშევრად და უშემოსავლოდ დარჩენილი ოჯახებითვის შესაძლოა შიმშილის ზღვარი გახდეს.