არასამთავრობო სექტორი ნამახვანი ჰესის მშენებლობის მოწინააღმდეგეთა აქციის დარბევას გმობს

0
365

რეპრესიული მეთოდები მშვიდობიანი პროტესტის წინააღმდეგ – ასე აფასებს არასამთავრობო სექტორი ნამახვანი ჰესის მშენებლობის მოწინააღმდეგეთა აქციის დარბევას.იმ ფონზე, როდესაც ადგილობრივ მოსახლეობას, საზოგადოებას და დარგის სპეციალისტებს არაერთი კრიტიკული დასკვნა და შეკითხვა აქვთ როგორც ჰესის მშენებლობის კანონიერების, ისე მისი უკიდურესად მაღალი ზეგავლენისა და რისკების შესახებ მასშტაბური ენერგეტიკული პროექტის მშენებლობა გაუმჭვირვალედ და ამ შეკითხვებისა და მოსაზრებების იგნორირებით, შეუფერხებლად მიმდინარეობს.

ხელისუფლება ადგილობრივი მოსახლეობის წუხილებსა და მშვიდობიან პროტესტზე პასუხად რეპრესიულ მეთოდებს იყენებს და საპოლიციო ძალის მეშვეობით ცდილობს ადგილობრივების პროტესტის ჩახშობას, რითაც უხეშად არღვევს პროექტის ზეგავლენის ქვეშ მოქცეული მოსახლეობის ფუნდამენტურ უფლებებს – ნათქვამია ერთობლივ განცხადებაში, რომელსაც ხელს აწერენ ადამიანის უფლებების სწავლებისა და მონიტორინგის ცენტრი (EMC); მწვანე ალტერნატივა და საქართველოს ახალგაზრდა იურისტთა ასოციაცია.

შეგახსენებთ, გუშინ, 14 ნოემბერს, წყალტუბოს რაიონში, ნამოხვანჰესის მშენებლობის მოწინააღმდეგეებს, რომლებიც 24 საათიან რეჟიმში აპროტესტებენ გიგანტური ჰესის მშენებლობას, პოლიცია სასტიკად გაუსწორდა.

წყალტუბოს მუნიციპალიტეტში პროტესტი 22-ე დღეა უწყვეტ რეჟიმში გრძელდება.

წინა სტატიანიდერლანდების აეროპორტში კოვიდინფიცირებული საქართველოს მოქალაქე დააკავეს
შემდეგი სტატია,,თამარის მკვლელობის საქმეს მივიყვან ბოლომდე და ბევრ სიახლეს ელოდოს გამოძიება, რაზეც მოუწევს პასუხის გაცემა”- მიხეილ რამიშვილი
ტელეკომპანია ოდიშის საინფორმაციო სამსახური