გუშინ, თბილისში, ცენტრალურ საარჩევნო კომისიასთან, შინაგან საქმეთა სამინისტროს მიერ საპროტესტო აქციის დაშლის დროს დაშავდნენ ჟურნალისტები.TV პირველის ოპერატორს პავლე ხაჩიძეს თვალი დაუზიანდა. მას ოპერაცია დასჭირდა.
დემონსტანტების და მათ შორის მედიის წარმომადგენლების მიმართ, დამიზნებით წყლის ჭავლის გამოყენების შემდეგ გონება დაკარგა ტელეკომპანია „ფორმულას“ ოპერატორმა გიორგი ჯაფარიძემ. სამედიცინო დახმარება მას ღუდუშაურის კლინიკაში გაუწიეს.
სახის არეში მიიღო დაზიანება „ფორმულას“ კიდევ ერთმა ჟურნალისტმა ანა ბარათაშვილმა. წყლის ჭავლის წნევა იმდენად ძლიერი იყო, რომ ის მანქანიდან გადმოაგდო.გადამღები ტექნიკა დაუზიანდათ რადიო „თავისუფლების“, OC Media-ს, რუსთავი 2-ის ჟურნალისტებს თორნიკე მანდარიას, გელა ბოჩიკაშვილს, დათო ქორიძეს, შიო ხიდაშელს, მარიამ ნიკურაძეს, სალომე ბოკუჩავას.