ზუგდიდის მე-6 საჯარო სკოლის გარდაცვლილ დირექტორის, ია კერზაიას შვილმა, იურისტმა ბაჩანა შენგელიამ რუსთაველის გამზირზე, აქციის მონაწილეებს ემოციური სიტყვით მიმართა და ბრძოლის გაგრძელებისკენ მოუწოდა.
შენგელიამ მისთვის ყველაზე მძიმე დღეები გაიხსენა, როდესაც 2 წლის წინ, პოლიტიკური მოტივით, ია კერზაია თანამდებობიდან გაათავისუფლეს, საბოლოო ჯამში კი ხელისუფლების რეპრესიულ მანქანას მისი სიცოცხლე ემსხვერპლა:
ყველაზე მეტად მძულს 8 და 9 ნოემბერი. ეს არის დღეები, როდესაც 2 წლის წინ ზუსტად 8 ნოემბერს ხელისუფლებამ გამოსცა ბრძანება, რომელმაც საბოლოო ჯამში შეიწირა ჩემთვის ყველაზე ძვირფასი ადამიანი და 9 ნოემბერს დაიწყეს ამ ჯალათებმა ამ ბრძანების აღსრულება – ამბობს ბაჩანა შენგელია.
ის დაუსჯელობის სინდრომზე საუბრობს და ამბობს, რომ მისი ოჯახის წევრის გარდაცვალების შემდეგ, საქმის მონაწილე ყველა პირი, გიორგი გახარიადან დაწყებული, დაწინაურდა და პასუხი არავის უგია.
შენგელია ამბობს, რომ ქვეყნის მომავლისთვის ბრძოლის ხაზი, ახლა სწორედ რუსთაველის გამზირზე გადის. გამოსვლის დასასრულს შენგელიამ ისევ დედის სიტყვებით მიმართა შეკრებილებს:
ია კერზაიამ ერთ ერთი ბოლო სიტყვები რაც თქვა – ბრძოლას ყოველთვის აქვს აზრი და ბრძოლას ნამდვილად ყოველთვის აქვს აზრი
მე მინდა, რომ ეს ჩემთვის ყველაზე საძულველი 8 და 9 ნოემბერი გაიდაიქცეს გამარჯვების სიმბოლოდ ქართველი ერისთვის – თქვა ბაჩანა შენგელიამ რუსთაველის გამზირზე, სიტყვით გამოსვლისას..