ხმაურისა და დაპირისპირების ფონზე ჩაიარა აქციამ ზუგდიდის 67-ე საოლქო საარჩევნო კომისიასთან, სადაც ოპოზიციური პარტიების ახალგაზრდული ფრთის წარმომადგენლებმა გაყალბებული ოქმები მიიტანეს. აქციის მონაწილეები ითხოვდნენ შენობაში შესვლას და ოქმების გადაცემას საოლქოს თავმჯდომარისთვის, რასაც პოლიციის მხრიდან წინააღმდეგობა მოყვა. ადგილზე ვითარება რამდენჯერმე დაიძაბა.  აქციის მონაწილეები არჩევნების შედეგებს აპროტესტებდნენ, მათ ხელში ეჭირათ პლაკატები „ სირცხვილია“, „ბიძინას ბუტკა“, „მირანდა მესხი ციხეში“, „არ დაგითმობთ“ . ისინი სკანდირებდნენ „მონა“ და მოუწოდებნდენ პოლიციას, რომ ხელი არ აღემართათ ახალგაზრდებისთვის და მიეცათ შენობაში შესვლის საშუალება. საბოლოოდ, აქციის მონაწილეებმა პოლიციის კორდონის წინ, ტროტუარზე გააკრეს ოქმები.