ზუგდიდის N80-ე საარჩევნო უბანზე „ერთიანი ნაციონალური მოძრაობის“ დამკვირვებელს ფიზიკურად გაუსწორდნენ. დაზარალებული ელდარ კეზუა ჩვენთან საუბარში განმარტავს, რომ მას დაახლოებით 5 პირი უკნიდან მიეპარა და ცემა დაუწყეს.
ადგილზე იმყოფებოდნენ გაერთიანებული ოპოზიციის ლიდერები და მათ განაცხადეს, რომ “ქართული ოცნების” მხარდამჭერები ამ ფორმით ცდილობენ ოპოზიციის წარმომადგენლების დაშინებას.
ინციდენტიდან რამდენიმე წუთში, ადგილზე, ზუგდიდის პოლიციის უფროსი ირაკლი ფაცაცაიაც მივიდა.