დღევანდელი მონაცემებით, აჭარის ხელისუფლებას „გაერთიანებული ოპოზიცია – ძალა ერთობაშია” ჩაიბარებს, – ეს განცხადება გაერთიანებული ოპოზიციის წევრმა მურმან დუმბაძემ “ინტერპრესნიუსთან” საუბრისას გააკეთა.
მისი თქმით, გაერთიანებული ოპოზიცია საქართველოს ყველა დიდ ქალაქში გამარჯვებულია.
“ბათუმში “ქართულ ოცნებას“ ყველა უბანს მოვუგებთ, ხმის დათვლას ველოდებით. “ქართული ოცნება” ხელისუფლებიდან წავიდა. საქართველოს ყველა დიდ ქალაქებში ქუთაისში, რუსთავში, თელავში, თბილისსა და ბათუმში ყველგან უპირატესობა გვაქვს. აჭარაში თამამად შეგვიძლია ვთქვათ, რომ გაერთიანებული ოპოზიცია “ძალა ერთობაშია”იგებს.
ჩვენ ვიცით, რომ პოლიტიკურმა პარტიებმა 5 – პროცენტიანი ბარიერი ვერ გადალახეს, მაგრამ თუ 5 პროცენტიანი ბარიერი ვერცერთმა პოლიტიკურ პარტიამ ვერ გადალახა, მათი ხმები გამარჯვებულებთან მიდის, ანუ ჩვენთან და “ქართულ ოცნებასთან”, ამ შედეგებით “ქართულ ოცნებას”აჭარაში ვუგებთ. დღევანდელი მონაცემებით, აჭარის ხელისუფლებას „გაერთიანებული ოპოზიცია – ძალა ერთობაშია” აიღებს, რომლის ფავორიტი პოლიტიკური ორგანიზაცია “ერთიანი ნაციონალური მოძრაობაა”, – განაცხადა მურმან დუმბაძემ.