ზუგდიდში ამომრჩეველთა აქტივობა მაღალია. 15:00 საათის მონაცემებით 36 137 ამომრჩეველმა მისცა ამ დროისთვის ხმა ზუგდიდის საარჩევნო უბნებზე, რაც საერთო ჯამში 30, 4 % შეადგენს – ამის შესახებ ზუგდიდის 67-ე საოლქო საარჩევნო კომისიის თავმჯდომარე მირანდა მესხმა განაცხადა. მან ასევე კომენტარი გააკეთა ინგირის 46-ე უბანზე არსებულ დარღვევებთან დაკავშირებითაც: ” ამ ეტაპზე 9 საჩივარი დაფიქსირდა, ძირითადად ტექნიკური ხასიათისაა, რაც არ იქონიებს გავლენას არჩევნების შედეგებზე. რაც შეეხება 46-ე უბანს, მოკვლეულია ეს უბანი. აქ ბიულეტენები დალაგებული ქონდათ მაგიდაზე, სადაც თავმჯდომარე და მდივანი ისხდნენ, კომისიამ თხოვა მათ ამის გატანა, რაზეც უარი უთხრეს, რადგან ეს არის ბიულეტენები და მათი გატანა სხვაგან არ შეიძლება”- განაცხადა მირანდა მესხმა