ზუგდიდის მუნიციპალიტეტის სოფელ ახალკახათის მკვიდრები სოფო და ირა გოგოხიები ამავე სოფლის საკრებულოს წევრს მმართველი გუნდიდან მუქარაში ადანაშაულებენ. ოჯახი ამბობს, რომ მათთან დანელია მივიდა და მმართველი გუნდის მხარდაჭერა მოსთოვა, წინააღმდეგ შემთვევაში კი სოციალურის მოხსნითა და სამსახურიდან გათავისულებით დაემუქრა.
რაც შეეხება დანელიას, ის ამ თემაზე კომენტარს არ აკეთებს, შეგახსენებთ, რომ გია დანელიას ფარული ვიდეოჩანაწერი ზუგდიდში მერის არჩევნებზე, 2019 წლის მაისში ტელეკომპანია რუსთავი 2-მა გაასაჯაროვა, ფარული ვიდეომასალის თანახმად, ზუგდიდის საკრებულოს “ქართული ოცნების” დეპუტატი ყვება, რომ პარტიის ცენტრალური ოფისიდან მიიღო დავალება, ნებისმიერ ფასად მმართველი პარტიის კანდიდატმა მიიღოს ხმების 50 %-ზე მეტი და ამ მიზნის მისაღწევად, “ოცნების” ლიდერებს შეუძლიათ დაატერორონ, გაიტაცონ და ზეწოლა მოახდინონ ადამიანებზე.
მაშინ სამეგრელო-ზემო სვანეთის პროკურატურამ გამოძიება ამომრჩევლის სავარაუდო მოსყიდვის ფაქტზე, საქართველოს სსკ-ის 164-ე პრიმა მუხლით დაიწყო. გია დანელია გამოიკითხა პროკურატურაში, თუმცა, მას დეპუტატის უფლებამოსილება არ შეწყვეტია.