ზუგდიდელი პოლიციელი, რომელმაც მოქალაქეზე იძალადა, ამ დრომდე არც დაუკავებიათ და არც გამოკითხვზე დაუბარებიათ. შემთხვევა წმინდა ნინოს ქუჩაზე რამდენიმე საათის წინ მოხდა. დაზარალებული გელა სიჭინავას დედა გვიყვება, რომ პარტულის მოქმედი თანამშრომელი გოჩა გუჯეჯიანი მის შვილს რკინის ხელკეტით გაუსწორდა. ფიზიკურ დაპირისპირებას წინ სიტყვიერი შელაპარაკება უძღოდა. გელა სიჭინავა მამას გამოესარჩლა, რომელიც მანქანის ხელოსანია და მისი კლიენტი, როგორც დაზარალებულის დედა ამბობს, ერთი წლის შემდეგ მოვიდა მის მეუღლესთან და ფულის გადახდის გარეშე მანქანის ისევ შეკეთეთება მოთხოვა. კლიენტი მოქმედი პოლიციელის გოჩა გუჯეჯიანის ბიძა აღმოჩნდა.
მოხდარს უარყოფს გოჩა გუჯეჯიანის დედა და ამბობს, რომ მის შვილს ფიზიკურად გელა სიჭინავა გაუსწორდა.
გელა სიჭინავას მძიმე, მრავლობითი დაზიანებები აქვს, რაც თვითმხილველების მიერ გადაღბული კადრებიდან ჩანს, მას სასწრაფო დახმარების გამოძახება და ჰოსპიტალში გადაყვანა დასჭირდა. ცოტა ხნის წინ კი ის საავადმყოფოდან სამართალდამცავებმა გამოიყვანეს. ის ამ წუთებში პოლიციაში იკითხება. პროკურატურაში “ოდიშინიუსს” განუცხადეს, რომ საქმე ძიებაშია და განცხადებას უწყება მოგვიანებით გაავრცელებს.