ამ წუთებში ზუგდიდის მუნიციპალიტეტის სოფელ გრიგოლიშში, ბადრი ესებუას სახლში საგამოძიებო მოქმედებები ტარდება.ადგილზე მობილიზებული არიან სამართალდამცავები, პოლიციაში დაკითხვაზე გადაყვანილია მისი ძმა, ბიძინა ესებუა, ასევე გრძელდება ოჯახის სხვა წევრების გადაყვანაც.
შეგახსენებთ, რომ შსს-მ დაადასტურა ინფორმაცია იმის შესახებ, რომ საქართველოს ბანკის ფილიალზე თავდასხმაში ეჭვმიტანილი 1988 წელს დაბადებული ბადრი ესებუაა. შსს მინისტრის მოადგილის ვლადიმირ ბორცვაძის განცხადებით, ესებუას ადგილსამყოფელის დადგენის და დაკავების მიზნით აქტიური საპოლიციო სამძებრო-საგამოძიებო მოქმედებები მიმდინარეობს.