ბანკზე ყაჩაღურ თავდასხმაში მონაწილე პირის ვინაობა დადგენილია – შსს განცხადება

0
128

შინაგან საქმეთა სამინისტრო ზუგდიდში, 21 ოქტომბერს საქართველოს ბანკზე მომხდარ თავდასხმასთან დაკავშირებით განცხადებას ავრცელებს. განცხადებას უცვლელად გთავაზობთ

“გვსურს, საზოგადოებას მივაწოდოთ დამატებითი ინფორმაცია ზუგდიდში, 21 ოქტომბერს მომხდარ, “საქართველოს ბანკის” ყაჩაღობის ფაქტთან დაკავშირებით მიმდინარე გამოძიების შესახებ.- ნათქვამია განცხადებაში.

შინაგან საქმეთა სამინისტრომ, ჩატარებული კომპლექსური საგამოძიებო-ოპერატიული და სამძებრო ღონისძიებების შედეგად, ყაჩაღურ თავდასხმაში მონაწილე დამნაშავე პირის ვინაობა დაადგინა და ის იდენტიფიცირებულია.

შინაგან საქმეთა სამინისტრო მიმართავს მედიასაშუალებებსა და საზოგადოების ყველა წევრს, თუ სხვადასხვა წყაროთი მათთვის ცნობილი გახდა დანაშაულის ჩამდენი პირის ვინაობა და ფოტოსურათი, არ გაავრცელონ აღნიშნული ინფორმაცია, რადგან ეს ხელს შეუშლის მიმდინარე საგამოძიებო ღონისძიებებს.

პოლიციის მიერ იდენტიფიცირებული პირის ადგილსამყოფელის დადგენისა და მისი დაკავების მიზნით, სამართალდამცველების მიერ სპეციალური ოპერატიული, საგამოძიებო და სამძებრო მოქმედებები ამ დრომდე აქტიურად მიმდინარეობს. მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით გრძელდება.

შინაგან საქმეთა სამინისტრო ფაქტთან დაკავშირებით დამატებით ინფორმაციას ეტაპობრივად გაავრცელებს”, – ვკითხულობთ განცხადებაში. 

ცნობისთვის, შსს-ს განცხადებას წინ უძღოდა ზუგდიდში შინაგან საქმეთა მინისტრის ჩასვლა.

კომენტარის დატოვება

Please enter your comment!
Please enter your name here