ხმაური და დაპირისპირება იყო ზუგდიდში, “ევროპული საქართველოს” ოფისთან, სადაც ამავე პარტიის წევრებს და “ქართული მარშის” წარმომადგენლებს შორის დაპირისპირება მოხდა. “ქართული მარშის” ერთ-ერთი ლიდერი ირაკლი შიხიაშვილი ზუგდიდის მაჟორიტარობის კანდიდატ გიგი უგულავასთან შეხვედრას და მისგან ბოდიშის მოხდას ითხოვდა იმის გამო, რომ გუშინ, ქალაქის ცენტრში მათ კანდიდატს დაარტყეს. ზუგდიდის მაჟორიტარობის კანდიდატი გიგი უგულავა შტაბში არ იმყოფებოდა, ამიტომაც ხიშიაშვილს შტაბის ხელმძღვანელი ბათლომე შელია შეხვდა.
„ქართული მარშის“ წარმომადგენლებმა რამდენიმე წუთიანი სიტყვირი დაპირისპირების შემდეგ “ევროპული საქართველოს” ოფისი დატოვეს, ხოლო წასვლამდე ერთ-ერთმა ლიდერმა ირაკლი შიხიაშვილმა იმედი გამოთქვა, რომ უგულავას სადმე „შეხვდება“.