წალენჯიხის მუნიციპალიტეტის სოფელ ლიაში მსუბუქი ავტომობილი 5 წლის ბავშვს დაეჯახა. არსებული ინფორმაციით, მას მსუბუქი ავტომობილი მაშინ დაეჯახა, როდესაც მამასთან ერთად ქუჩაზე გადადიოდა. ბავშვი სასწრაფო დახმარების სამსახურმა ზუგდიდის რეფერალურ საავადმყოფოში გადაიყვანა. მედიკოსების განცხადებით, ბავშვის მდგომარეობა ფასდება, როგორც მძიმე. პაციენტს შუბლის ძვლისა და ბარძაყის მოტეხილობა აღენიშნება. ის მართვის სუნთქვაზე იმყოფება.
შსს-ს ინფორმაციით მომხდარზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო.