ზუგდიდში, დადიანების სასახლის ეზოში “ლეიბორისტული პარტიის” ლიდერმა შალვა ნათელაშვილმა ამომრჩეველთან შეხვედრა გამართა და განაცხადა, რომ „ ევროპული საქართველოს” მაჟორიტარობის კანდიდატს გიგი უგულავას უჭერს მხარს. მისი თქმით, გიგი უგულავა ღირსეული თანამებრძოლია, ხოლო ხელისუფლებაში ყოფნის დროს ღირსეული ოპონენტი იყო. ამასთანავე, ნათელაშვილმა საკუთარ ამომრჩეველს მოუწოდა, უგულავას მხარდაჭერისკენ,არჩევნებში მისთვის ხმის მისაცემად, როგორც მაჟორიტარობის კანდიდატის.
გიგი უგულავამაც მიმართა შეკრებილებს და ყველა ოპოზიციურ პარტიას მადლობა გადაუხადა, რომლებიც მხარს უჭერენ მას და განაცხადა, რომ ის ყველასი მაჟორიტარი იქნება, მიუხედავად იმისა უჭერენ თუ არა მას მხარს.