დავით-გარეჯის საქმეზე დაკავებული ივერი მელაშვილი სასამართლოსთვის გათავისუფლების სანაცვლოდ გირაოს შეთავაზებას არ აპირებს
მელაშვილის ადვოკატის მარიკაშვილის ინფორმაციით, მისი დაცვის ქვეშ მყოფი ყველანაირ ალტერნატივაზე კატეგორიულ უარს ამბობს:
“მისი პოზიცია არის, რომ ის არ აპირებს არანაირი ალტერნატივის მიღებას მათ შორის გირაოს შეთავაზებას. ის თვლის, რომ ეს არის მისი ბრძოლა, იბრძოლებს ბოლომდე და არანაირი დათმობა არ იქნება, მხოლოდ იმიტომ, რომ გარეთ იყოს”, – თქვა ადვოკატმა.
მაღალი საზოგადოებრივი ინტერესიდან გამომდინარე, დავით-გარეჯის საქმეზე დაწყებულ გამძოიებაში სახალხოდამცველის აპარატიც ერთვება.
შეგახსენებთ, რომ დავით გარეჯის საქმეზე ივერი მელაშვილსა და ნატალია ილიჩოვას ბრალი ოფიციალურად წარედგინათ. პროკურატურა დაკავებულებისთვის აღკვეთის ღონისძიებად პატიმრობას ითხოვს. გამოძიება მათ საქართველოს საწინააღმდეგო მოქმედებას ედავება. საქმე სისხლის სამართლის კოდექსის 308-ე მუხლის პირველი ნაწილით აღიძრა და სასჯელი ათიდან თხუთმეტ წლამდე თავისუფლების აღკვეთას ითვალისწინებს.