ოპოზიციას მინდა ვუთხრა, რომ ხელისუფლებას და მთავრობას არანაირი ადმინისტრაციული რესურსის გამოყენების უბრალოდ სურვილი არ აქვთ და არც სჭირდებათ, – ამის შესახებ პრემიერ-მინისტრმაგიორგი გახარიამ ჟურნალისტებს განუცხადა.
მისი თქმით, 31 ოქტომბერს თითოეულ მოქალაქეს ექნება თავისი ნების თავისუფალ გარემოში გამოხატვის შესაძლებლობა.
„ამასთან, ერთი რამ უნდა ვიცოდეთ, ნებისმიერი სახისა და მოტივის ძალადობა, მათ შორის, პოლიტიკური მოტივით არის კატეგორიულად მიუღებელი. შესაბამის უწყებებს აქვთ პირდაპირი დავალება, რომ არცერთ შემთხვევაში ასეთი ძალადობის შემთხვევები უყურადღებოდ კი არ უნდა დარჩეს, უსწრაფესი რეაგირება უნდა ჰქონდეს. ეს დავალებები მათ აქვთ და ამ დავალებების შესაბამისად ისინი მოქმედებენ“, – განაცხადა გახარიამ.