თბილისის მერის კახა კალაძის განცხადებას, რომ ყოფილი იპოდრომის ტერიტორია დედაქალაქს ბიძინა ივანიშვილმა და ფონდმა ქართუმ “სრულიად უსასყიდლოდ” გადასცეს განსვავებულად აფასებენ ხელისუფლებისა და ოპოზიციის წარმომადგენლები.
,.ეს კიდევ ერთი მაგალითია ქველმოქმედების, რომელზეც, მადლობა უნდა გადავუხადოთ ბიძინა ივანიშვილს.”უნდა აღვნიშნოთ ღვაწლი, ხელწერა, ბიძინა ივანიშვილის ის ხელწერა, რომელიც აქაც გამოჩნდა. ეს არის უაღრესად მნიშვნელოვანი ხელწერა, როგორ შეიძლება, პირადით ემსახურო საზოგადოს, როგორ შეიძლება, იზრუნო შენს ხალხზე. – განაცხადა პრემიერმინისტრმა გახარიამ ცენტრალური პარკის პროექტის პრეზენტაციაზე
რა თქმა უნდა, ამ ხელწერის გამომსახველი მაგალითი არ არის მხოლოდ ცენტრალური პარკი და ეს ყველაფერი ეკოლოგიური კომპონენტის გარდა, შეიცავს ამ ქვეყნის მოქალქეების ცხოვრების სტილის ცვლილებას”.
ნაციონალური მოძრაობის წევრი ხატია დეკანოიძე აცხადებს, რომ ,,რეალურად, ეს პარკი ეკუთვნოდა სახელმწიფოს და ხალხის საკუთრება იყო. ჩვენ ამაზე ძალიან დიდი ხანია ვსაუბრობთ, რომ ეს პარკი უნდა იყოს ხალხის საკუთრება.ეს არის ჩვეულებრივი მოსყიდვა, მაგრამ ადამიანებზე, ამომრჩეველზე, არაფერი აღარ იმოქმედებს. ”
როგორც ლეიბორისტული პარტიის თავმჯდომარე შალვა ნათელაშვილი ამბობს, ,,ივანიშვილმა თავის დროზე უკანონოდ ჩაიგდო ხელში იპოდრომის ტერიტორია, ვერეს ხეობა, გააპარტახა ერთადერთი საცურაო სივრცე – ლაგუნა ვერე იმ თბილისელებისთვის, რომლებიც ობიექტური მიზეზების გამო ვერ გადიოდნენ ქალაქიდან და ახლა გველები დასრიალებენ იქ და ხვლიკები თბებიან მზეზე. ახლა ივანიშვილს უნდა, წინასაარჩევნოდ ქველმოქმედის სახელი დაიბრუნოს და ჩვენგან წართმეული დროებით დაგვიბრუნოს, რათა არჩევნების შემდეგ ისევ დაიბრუნოს. ”