„თავისუფალმა საქართველომ“ დღეს ზუგდიდში ამომრჩევლებს სამეგრელოს რეგიონში მაჟორიტარობის კანდიდატები წარუდგინა. როგორც პარტიის ლიდერმა კახა კუკავამ განაცხადა, ზუგდიდის მაჟორიტარობისთვის ზურაბ ჯინჯოლავა იბრძოლებს და წალენჯიხა-ჩხოროწყუ-მარტვილი-აბაშის ოლქში გოჩა ბახია იქნება მაჟორიტარობის კანდიდატი. კუკავამ ამომრჩევლებს პარტიის საარჩევნო პროგრამაც გააცნო, მისივე თქმით, ისინი პრიორიტეტს რეგიონში ეკონომიკურ აღორძინებაზე, იაფ მედიკამენტებზე და საბანკო მევახშეობის აკრძალვაზე გააკეთებენ.