ოკუპირებული გალის სოფელ ოტობაიას მკვიდრი 55 წლამდე მამაკაცი ბესიკ რატია,რომელმაც დილით სამეგრელო-აფხაზეთის ადმინისტრაციული საზღვარი შემოვლითი გზით გადმოკვეთა, გზაში საქართველოს კონტროლირებად ტერიტორიაზე სოფელ კოკთან გარდაიცვალა.
ოჯახის მეზობლის ინფორმაციით,მამაკაცი შეუძლოდ მას შემდეგ გახდა, რაც მდინარე ენგური გადმოლახა. ის ზუგდიდში მოდიოდა,სადაც ცოლ-შვილი ჰყავს.
გარდაცვლილის ცხედარი ექსპერტიზაზე ქუთაისში გადაასვენეს.
შს სამინისტროში ამბობენ, რომ აღნიშნულთან დაკავშირებით გამოძიება სს კოდექსის 115 -ე მუხლით დაიწყო.