სამეგრელოსა და ოკუპირებულ გალში კორონავირუსი კიდევ 10 პირს დაუდასტურდა. მათგან 8 ზუგდიდში, 2 კი ბათუმში გამოიკვლიეს.
19 სექტემბერს, ზუგდიდის ინფექციურ საავადმყოფოში კორონავირუსზე 437 პირის ნიმუში შეისწავლეს, საიდანაც 8 კოვიდდადებითი აღმოჩნდა. მათგან 2 არის სენაკში ადრე დაფიქსირებული შემთხვევის კონტაქტი, 3 ფოთში, რომელიც უკავშირდება ბათუმში მოგზაურობას, 2 ინფიცირებული პირი ოკუპირებული გალის რაიონის სოფელ საბერიოს მცხოვრებია და 1 არის ასევე ოკუპირებული აფხაზეთის მცხოვრები მცირეწლოვანი, რომელიც დანარჩენ საქართველოში უკვე გადმოყვანილია სამკურნალოდ.
გარდა ამისა სამეგრელოში კორონავირუსი დაუდასტურდა აბაშის მუნიციპალიტეტში მცხოვრებ 2 ქალს. ისინი ბათუმის ინფექციურ საავადმყოფოში გამოიკვლიეს