ზუგდიდის ინფექციურ საავადმყოფოში აღებული 399 ნიმუშიდან 6 პირს კოვიდინფექცია დაუდასტურდა. ყველა მათგანი გალის რაიონის საბერიოს ე.წ კლასტერს ეკუთვნის. სამეგრელი-ზემო სვანეთის რეგიონის რწმუნებულის მოვალეობის შემსრულებლის მალხაზ თორიას ინფორმაციით, მათი გადმოყვანა ქართული მხარის მიერ კონტროლირებად ტერიტორიაზე დღის განმავლობაში მოხდება და ისინი მოთავსდებიან სხვადასხვა სპეციალიზირებულ კლინიკებში. რაც შეეხება მარტვილელ პოლიციელს, რომელსაც კოვიდ 19 გუშინ დაუდასტურდა, მისი შვიდივე კონტაქტი მოძიებულია. ყველა მთგანზე აღებულია პისიარ ტესტი. პასუხები ჯერჯერობით უცნობია. ისინი გადაყვანილია კარანტინში. რაც შეეხება თავად პოლიციელს, ის რუხის კლინიკაში გადის მკურნალობას. მედიკოსების ინფორმაციით, მისი ჯანმრთელობის მდგომარეობა დამაკმაყოფილებელია. რუხის საავადმყოფოში ამ დროისთვის 58 პაციენტი განაგრძობს მკურნალობას. მალხაზ თორიას თქმით, ფოთის ცხელების ცენტრში მოთავსებულია კოვიდინფიცირებული ქალბატონი, რომელიც გურიის ე.წ. კლასტერს ეკუთვნის.