ვინ იხევს სახეს და ვინ იხევს ჩოხას?

0
342

ზუგდიდში „ევროპული საქართველოს“ მაჟორიტარობის კანდიდატი გიგი უგულავა „ნაციონალურ მოძრაობას“ „ევროპული საქართველოს“ საარჩევნო პლაკატებზე მათი ბანერების გადაკვრაში ადანაშაულებს და სოციალურ ქსელში აღნიშნულის დამადასტურებელ ფოტოსაც აქვეყნებს.

“კოლეგებო ენმ-დან, ადგილი არ გყოფნით, თუ „ქოცებს“ ვერ უბედავთ?! იქნებ “შეკრულები” ხართ? „პლაკატის ახევას სახის ახევა სჯობიაო“ ძველი კახური ანდაზაა, ხომ გაგიგიათ? – სახეს გაუფრთხილდით“, – წერს უგულავა.

ფრაქცია „ნაციონალური მოძრაობის” თავმჯდომარემ რომან გოცირიძემ ჟურნალისტებს გიგი უგულავას განცხადების კომენტირებისას განუცხადა, რომ არ არის გამორიცხული, პროვოკაციას ჰქონდეს ადგილი.

„იქნებ, პროვოკაციაა ან იქნებ, მართლაც სხვებმა გადააკრეს. ყოველ შემთხვევაში, დღეს, რეპლიკების გაცვლა-გამოცვლა, წყალს არ ასხამს ოპოზიციის წისქვილზე, ამიტომ ხანდახან სჯობს, თავი შევიკავოთ.რა ინტერესი უნდა გვქონდეს, როდესაც გვყავს საერთო პოლიტიკური მტერი, მოწინააღმდეგე „ქართული ოცნება”, როდესაც სამომავლოდ ჩვენ უნდა ვიყოთ კოალიციურ ხელისუფლებაში და ეს ქვეყანა ერთად ვმართოთ.

წინა სტატია,,რესპუბლიკელებმა გადავწყვიტეთ, ნაციონალურ მოძრაობასთან გავერთიანდეთ საარჩევნო ბლოკში”
შემდეგი სტატიადაბა მესტიაში სასტუმროს მეპატრონეები სესხების შეჩერებას მოითხოვენ [Video]
ტელეკომპანია ოდიშის საინფორმაციო სამსახური