ამომრჩევლის ინფორმირების მიზნით „საერთაშორისო გამჭვირვალობა – საქართველო“ სწავლობს 2020 წლის საპარლამენტო არჩევნებისთვის პოლიტიკური პარტიების მიერ წარდგენილ მაჟორიტარობის კანდიდატებს – მათ სამეწარმეო საქმიანობასა და პოლიტიკურ შემოწირულებებს. კვლევაში წარმოდგენილია „ქართული ოცნება – დემოკრატიული საქართველოს“ მიერ წარდგენილი კანდიდატების მონიტორინგის შედეგები.

ალექსანდრე მოწერელია

წალენჯიხის, ჩხოროწყუს, მარტვილისა და აბაშის მაჟორიტარობის კანდიდატი
წარსულში: სამეგრელო-ზემო სვანეთის ყოფილი გუბერნატორი
ალექსანდრე მოწერელია ჩართულია სამეწარმეო საქმიანობაში. სახელმწიფო რწმუნებულის რანგში შევსებული დეკლარაციის თანახმად ის 3 კომპანიაში ფლობს წილებს: შპს „ქაპ ჯორჯია“ – 49%, შპს „აერკომპანი“ – 16,34% და სლოვაკეთში რეგისტრირებული კომპანია შპს „Svet Orechov“ – 49%. ალექსანდრე მოწერელიას საკუთარი წილები კანონის მოთხოვნის დაცვით მართვის უფლებით სხვა პირისთვის აქვს გადაცემული.

ალექსანდრე მოწერელიას დეკლარაციაში არ უხსენებია, რომ მისი მეუღლე, ლალი ხუადე ფლობს 50%-იან წილებს ორ კომპანიაში: შპს „გ.გ.გ.“ და შპს „ანამო“, რაც საჯარო დაწესებულებაში ინტერესთა შეუთავსებლობისა და კორუფციის შესახებ კანონის დარღვევაა.

„საერთაშორისო გამჭვირვალობა – საქართველო“ რამდენიმე თვის წინ გამოაქვეყნა კვლევა სახელმწიფო რწმუნებულების ადმინისტრაციულ ხარჯებზე, მათ შორის, ალექსანდრე მოწერელიას საეჭვოდ დიდი მოცულობის საწვავის ხარჯებზე.