მთავრობის სხდომები მედიის გარეშე გაიმართება. გადაწყვეტილება ეპიდემიოლოგიური ვითარებიდან გამომდინარე მიიღეს.
შექმნილი ეპიდემიოლოგიური მდგომარეობიდან და ცალკეულ მედიასაშუალებებში არსებული შესაძლო რისკებიდან გამომდინარე, მთავრობის სხდომის გაშუქებას უზრუნველყოფს მთავრობის ადმინისტრაციის პრესსამსახური“ – ნათქვამია ინფორმაციაში, რომელსაც მთავრობის ადმინისტრაციის პრესსამსახური ავრცელებს.
დღეს, 11:00 საათზე, საქართველოს მთავრობის ადმინისტრაციაში მთავრობის სხდომაა დანიშნული.
შეგახსენებთ, რომ საქართველოში ჟურნალისტის კოვიდინფიცირების პირველი შემთხვევა გუშინ, 9 სექტემბერს დადასტურდა. ინფიცირებულია “ტვ პირველის” ჟურნალისტი.
დღეს კი ქვეყანაში კოვიდინფიცირების რეკორდული მაჩვენებელი – 57 შემთხვევა დადასტურდა