მმართველი გუნდის მიერ ადმინისტრაციული რესურსების გამოყენება და წინასაარჩევნო პროცესში სასულიერო პირების ჩართვა – ეს ის არასრული ჩამონათვალია, რომელიც საპარლამენტო არჩევნების წინასაარჩევნო მონიტორინგის მესამე შუალედურ ანგარიშში მოხვდა.
პრეზენტაციას დღეს “სამართლიანი არჩევნები” მართავს. არასამთავრობო ორგანიზაცია პოლიტიკურ პარტიებს მოუწოდებს, გამჭვირვალე და სამართლიანი არჩევნებისთვის საჭირო ყველა მითითება ზედმიწევნით შეასრულონ.
“ეს შეეხება ამომრჩეველთა მოსყიდვის საქმეებს და ასევე გვაქვს, რომელიც უკავშირდება ადმინისტრაციული რესურსის გამოყენებას და საეკლესიო პირების ჩართულობას სააგიტაციო კამპანიაში, რაც საარჩევნო კანონმდებლობის მოთხოვნებს ეწინააღმდეგება. რეკომენდაცია იქნება, რომ კამპანიის პროცესში ჩართულმა მხარეებმა თავი შეიკავონ ისეთი სახის აქტივობებისგან, რაც კანონმდებლობით განსაზღვრულ მოთხოვნებს არღვევს,” – აცხადებს “სამართლიანი არჩევნებისა და დემოკრატიის საერთაშორისო საზოგადოების” აღმასრულებელი დირექტორი ელენე ნიჟარაძე.