მე ჩამოვალ ისეთ პირობებში, საქართველოს მესამე პრეზიდენტის, მიხეილ სააკაშვილის თქმით, მან უსამართლო სასამართლო საკუთარ თავზე გამოსცადა. როგორც სააკაშვილმა სპეციალურ მიმართვაში თქვა, შეცდომა დაუშვა, როცა საქართველოში უკეთესი სასამართლო სისტემა არ შექმნა.
რა, რა და მე ზუსტად ვიცი, რომ ამაზე უფრო საშინელება არაფერი არსებობს, იმიტომ, რომ მე, ჩემმა ახლობლებმა და ბევრმა თქვენგანმა გამოსცადეთ ეს თქვენ თავზე, მათ შორის ჩემი პრეზიდენტობის დროს და ეს არის ერთ-ერთი ყველაზე მტკივნეული მახსოვრობა რომელიც მე შემომრჩა და ერთ-ერთი ყველაზე მძიმე შეცდომა რომელიც მე დავუშვი, რომ თავის დროზე არ შევქმენი უკეთესი სასამართლო სისტემა საქართველოში, – თქვა მიხეილ სააკაშვილმა.
ყოფილი პრეზიდენტის განცხადებით, მზადაა ქვეყნის პრემიერმინისტრი გახდეს და დაშვებული შეცდომები გამოასწოროს, ქვეყანაში კი მაშინ დაბრუნდება, როცა მისი ჩამოსვლა დაპირისპირებას არ გამოიწვევს.
შეგახსენებთ, რომ “ნაციონალურმა მოძრაობისა” და “ძალა ერთობაშიას” პრემიერობის კანდიდატად მიხეილ სააკაშვილი გრიგოლ ვაშაძემ დღეს, 7 სექტემბერს დაასახელა.
ენმ-ს თავმჯდომარის თქმით, დეტალებთან დაკავშირებით, სააკაშვილი საღამოს თავად ისაუბრებს.
საქართველოს მესამე პრეზიდენტმა 27 აგვისტოს, სპეციალური ვიდეომიმართვა გაავრცელა, სადაც განაცხადა, რომ საქართველოში ბრუნდება.
ცნობისთვის, “ქართულმა ოცნებამ”, ხელისუფლებაში მოსვლიდან მალევე, საქართველოს მესამე პრეზიდენტის წინააღმდეგ არაერთი საქმე აღძრა.