სოფელ ნაცატუს მოსახლეობა მერიასთან აქციას მართავს.ისინი დაკავებული თანამშრომლის გათავისუფლებას და მერთან შეხვედრას ითხოვენ.
სოფელ ნაცატუში აქციაზე პოლიციამ ერთი ადამიანი დააკავა. სოფლის მოსახლეობამ დილიდან გადაკეტა ზუგდიდი-წალენჯიხის ცენტრალური გზა, ისინი შიდასაუბნო გზის შეკეთებას ითხოვენ და ადგილობრივ ხელისუფლებას უყურადღებობაში ადანაშაულებენ. აქციაზე დაპირისპირება სამართალდამცავებსა და აქციის მონაწილეებს შორის გზის გახსნის გამო მომოხდა, პოლიციამ აქციის მონაწილეებს გზის გახსნისკენ მოუწოდა, რა დროსაც პოლიციამ აქციის ერთ-ერთი მონაწილე დააკავა.
ადგილობრივები ამბობენ, რომ ხელისუფლებას ისინი მხოლოდ საარჩევნოდ ახსენდება და არ მიიღებენ დაპირებას, რომელიც მხოლოდ გზის მოხრეშვას მოიცავს. საუბარია ზემო ნაცატუს უბანზე, სადაც მოსახლეობა წლებია უგზოობას უჩივის. დაახლოებით ორკილომეტრიან მონაკვეთზე, სადაც 100-მდე ოჯახი ცხოვრობს, ვერც ტრანსპორტი გადის და ქვეითად მოსიარულეებსაც უჭირთ გადაადგილება