სოფელ ნაცატუს მოსახლეობა, რომელიც მერიასთან იმყოფებოდა, ამ წუთებში აქციას პოლიციის სამმართველოსთან მართავს. აქციის მონაწილეების მოთხოვნა უცვლელია – ისინი დღეს დილით დაკავებული თანასოფლელის გათავისუფლებას ითხოვენ. შეგახსენებთ, რომ დილიდან მართავს აქციას ნაცატუს მოსახლეობა გზის მოთხოვნით. მათ გადაკეტილი ქონდათ წალენჯიხა-ზუგდიდის ცენტრალური გზა და მოძრაობა პარალიზებული იყო. დაკავება მაშინ მოხდა, როცა პოლიცია გზის გახსნას ცდილობდა. ასევე უშედეგოდ დასრულდა მოლაპარაკება ზუგდიდის მერის მოადგილე გიგა ფარულავასთან. ვიცე-მერმა მათ განუმარტა, ამ ეტაპზე მხოლოდ მოხრეშვითი სამუშაოებია დაგეგმილი, ხოლო გზის მოასფალტება მხოლოდ 2021 წლიდან დაიწყება. აქციის მონაწილეები აცახდებენ, რომ გზაზე ვერც მანქანა გადის და ვერც ქვეითი, ბავშვები სკოლაში ვეღარ წავლენ.