ზუგდიდში „თხილობა 2020“-ის ფესტივალი ჩატარდა, რომელსაც პრემიერ-მინისტრი გიორგი გახარია მთავრობის სხვა წარმომადგენლებთან ერთად დაესწრო. სოფლის მეურნეობას მეტი ყურადღება სჭირდება, ეს ნათელი გახდა პანდემიის დროს, როდესაც ელემენტარულად პირველადი მოთხოვნების პროდუქტების იმპორტი ქვეყანაში გახდა პრობლემა – განაცხადა გიორგი გახარიამ.
პრემიერ-მინისტრმა სხვადასხვა თემაზე ისაუბრა, მათ შორის ეპიდსიტუაციასა და მოსალოდნელ რისკებზე, მისი თქმით, თუ მოსახლეობის ჯანმრთელობისთვის კარანტინის პერიოდის შემცირება საზიანო არ იქნება, ის უნდა შემცირდეს.მისი თქმით, კორონავირუსი გლობალური პანდემიაა და მას ცალკე აღებული ვერც ერთი ქვეყანა ვერ დაამარცხებს.
თხილობის ფესტივალზე მოეწყო გამოფენა-გაყიდვა, სადაც ადგილობრივი ფერმერების მიერ წარმოდგენილი იყო თხილი და თხილის პროდუქცია; ადგილობრივი რეწვის ნიმუშები; ჩაი, ღვინო, ყველი, ჩირი, ჩუხრჩხელა და სამეგრელოს კუთხისთვის დამახასიათებელი სხვა პროდუქცია.